Regionalpark
Regionale natur- og kulturparkar
Regionalparkar er eit godt innarbeidd i andre Europeiske land, eit konsept som er under utvikling i Noreg. Konseptet har som mål å skape ei integrert områdeforvaltning og auka verdiskaping bygd på lokale natur- og kulturressursar i busette landskapsområde eller større bygderegionar.
Konseptet byggjer på frivillig, langsiktig og forpliktande partnarskap mellom lokalsamfunn, styresmakter og næringsliv. Slik at ein skapar ei samarbeidsplattform som støttar lokal verdiskaping, integrert landskaps- og naturforvaltning, kompetanseutvikling, stadsidentitet og formidling.
Oppretting av ein regionalpark er eit offensivt initiativ for bygdesamfunn som slit med utfordringar i høve til fråflytting, svak næringsutvikling, konfliktar rundt naturvern og ivaretaking av natur og kulturarv. Aurlandssamfunnet tok tidleg eit offensivt grep gjennom prosessen som leia fram til etableringa av Nærøyfjorden Verdsarvpark, og i Valdres har ein hatt ein prosess med fokus på bygdeutvikling som leidde fram til etableringa av Valdres Natur- og Kulturpark.
Aurland Naturverkstad har i samarbeid med Telemarksforsking-Bø og Universitetet for Miljø- og Biovitenskap gjennom fleire år arrangert seminar og studieturar, og etablert kontakt med forvaltings- og forskingsmiljø som jobbar med nye og dynamiske forvaltingsmodellar. I dag er det fleire område i Noreg som vurderar regionalpark. Etter påtrykk frå parkane i Aurland og Valdres er det no under etablering eit nasjonalt røynsle- og kompetansenettverknettverk for natur- og kulturparkar, støtta av fleire departement.
Døme på arbeid med regionalpark:
Aurland kommune. Forprosjekt regionalpark i Aurland. Aurland natur- og kulturpark; Utvikling av ein modell for natur- og kulturbasert verdiskaping. Aurland Naturverkstad BA rapport 2 2005.
«Landskap, Sted og Regionalpark». Medverkar i forskingsprosjektet Finansiert av Noregs Forskingsråd gjennom AREAL-programmet.( Tittel: Kulturelle landskap i den rurale periferien). Prosjektet er leia av Telemarksforsking, i samarbeid med UMB.
Nettverksbygging for Natur- og kulturparkar i Noreg, 2007. Arrangør av fagtur til England for å studere «Forest of Bowland Area of Outstanding Natural Beauty» og «Peak District National Park». Deltakarar frå Valdres, Aurland, Numedal, Sigdal og Fyresdal, Telemarkforsking og UMB.
Studietur til Queyras regionale naturpark i Frankrike, 2005. Deltakarar var bønder, entreprenørar og reiselivsnæring i Aurland, samt lokal og regionalforvalting og forskingsmiljø.
Førebuande studietur til utvalde regionale natur- og kulturparkar i Frankrike, 2004.
Lenker:
Nærøyfjorden Verdsarvpark er med som pilotprosjekt for verdiskaping på kulturområdet