Stadanalyse
”Stadanalyse er systematisering av kunnskap om staden sin historie, situasjon i dag og framtidsmoglegheiter.”
Ein stadanalyse er eit aktivt verktøy for å legge til rette for målretta og berekraftig utvikling. Gjennom ein stadanalyse vert det gjort eit framlegg om tiltak som kan vere med å oppretthalde og vidareutvikle eit attraktivt kulturlandskap, gode ferdselstilhøve, mangfald av opplevingar og å styrke grunnlaget for verdiskaping.
Stadanalysen kan nyttast til å legge til rette for ein felles, koordinert tiltaksplan der fastbuande i fellesskap kan samordne utvikling av kulturlandskap, friluftsliv, opplevingstilbod og næringsretta tiltak. Aktuelle tiltak kan rette seg mot både fastbuande og besøkande.
Stadanalyser vert ofte kopla opp mot reguleringsplanprosessar.
Aurland Naturverkstad er i gong med å utvikle metodikk for å samle inn og systematisere lokalfolk og tilreisande sin kunnskap, relasjonar og ynskjer for framtida, knytt til den staden dei høyrer til eller kjem på besøk. Vi kallar det ”stadkjensle” , og vi er inspirert av kollegaer i England som har utvikla eit ”Sense of Place Toolkit” til bruk i Forest of Bowland ”Area of Outstanding Natural Beauty”, nær Manchester. http://www.forestofbowland.com/publications/strategies/FOBSenseofPlaceLoRes.pdf
Skisse frå områdeanalyse Borgastrondi, Nærøyfjorden. 2004.
REFERANSEPROSJEKT:
Sogn og Fjordane fylkeskommune. Forvaltningsplan for Urnes, Luster kommune. Under utarbeiding. Ferdigstilles 2008.
Aurland kommune. Stadanalyse for Bakka, Nærøyfjorden. Under utarbeiding. Ferdigstilles 2008.
Sogn og Fjordane fylkeskommune. Forvaltningsplan for kvernsteinsbrota i Hyllestad. Under utarbeiding. Ferdigstilles 2008.
Grunneigar på Bakka. Bakka i Nærøyfjorden. Områdeanalyse og tiltaksplan for Borgastrondi. Aurland Naturverkstad rapport 1 / 2004.
Kvinnherad kommune. Rosendal. Overordna landskapsanalyse og strandsoneanalyse Seimsfoss – Skeishagen. Aurland Naturverkstad rapport 6 / 2004.
Fauske kommune. Neshalvøya. Landskapsanalyse, forslag til tiltak for landskapspleie og områdeutvikling. Aurland Naturverkstad rapport 7 / 2003.
Bodø kommune. Naurstad – Holand. Enkel landskapsanalyse, forslag til tiltak for landskapspleie og områdeutvikling. Aurland Naturverkstad rapport 6 / 2003.
Bodø kommune. Godøynes. Forslag til tiltak for landskapspleie og områdeutvikling. Aurland Naturverkstad rapport 5 / 2003
Herand Bygdelag. Områdeprosjekt Herand- Landskapsanalyse og vurdering av utviklingsplan. Aurland Naturverkstad rapport 2 /2001.