Landskapskartlegging
Ei landskapskartlegging vert nytta i landskapsanalysar til definering av landskapstypar og landskapsverdiar. Her er det landskapstemaet som er det sentrale. Kartlegging, skildring og verdivurdering av landskapstilhøve dannar grunnlag for vidare forvaltning og synliggjer eventuelle behov for meir detaljerte landskapsanalysar i enkelt områda.
Aurland Naturverkstad gjer fleire landskapsanalysar der vi nyttar metoden; «Romlig landskapskartlegging» som det nasjonale referansesystem for landskap bygger på. (Norsk institutt for Skog og landskap). Her vert det gjort ei typeinndeling av landskapet, der landskapet vert delt inn etter felles dominerande trekk. Målet med ei landskapskartlegging er å spegle landskapets innhald og samanhengen i landforma, på grunnlag av menneskets oppfatning av landskapet.
Aurland Naturverkstad har etter kvart opparbeidd solid kompetanse om landskapskartlegging etter denne metoden. Innafor konsekvensutgreiingar og i større fylkeskartleggingar gjer ei slik kartlegging eit grundig referansegrunnlag om landskap, som kan nyttast til ulike forvaltningsformål.
Landskaps mosaikk. Lønavatnet og Voss. Fra feltarbeid under fylkeskartlegging av Hordaland, 2007.
Referanseprosjekt:
Hordaland fylkeskommune: Landskapstyper i Hordaland Fylke 2009.
Sogn og Fjordane Fylkeskommune: Landskapskartlegging av kysten i Sogn og Fjordane fylke. Landskapstypeklassifisering og verdisetting i samband med fylkesdelplan for vindkraft.
Fylkesmannen i Nordland. Landskapskartlegging Sundsfjordfjellet. I samband med utredning for vern. Aurland Naturverkstad rapport 08 – 2008.
Fylkesmannen i Oppland. Breheimen – Mørkridsdalen: Kartlegging av landskap. Aurland Naturverkstad rapport nr. 2 – 2007.
Luster Energiverk AS. Vurdering av konfliktpotensial for landskap, naturmiljø og kulturmiljø i 43 små vassdrag i Luster kommune. Aurland Naturverkstad, rapport. 7a – 2006.
Fylkesmannen i Nordland. Skjunkan – Misten. Kartlegging av landskap i samband med utarbeiding av verneplan. Aurland Naturverkstad rapport nr. 5 – 2005.
Fylkesmannen i Buskerud. Verneplan for Hallingskarvet. Kartlegging av landskap og landskapsverdier. Deltema: Landskap. Aurland Naturverkstad rapport nr. 8 – 2003.