Landskapsanalysar
Landskapsanalysar ligg i botn for mange tiltak og vert nytta både i kommunalt planarbeid, bygdeutvikling, og i samband med dokumentasjon av natur og landskaps verdiar i til dømes verneområde.
I Aurland Naturverkstad, gjer vi ei skildring av planområdet med karakteristikk av den fysiske utforminga til landskapet, særskilde natur- og kulturverdiar og opplevingsverdi knytt til landskapsbilete. Ei slik utgreiing vil vere viktige reiskap til å sikre og vidareutvikle eit variert og opplevingsrikt landskap som både lokalsamfunn og turistar vil finne attraktivt. Landskapskartlegging og analysar vil og vere viktige reiskapar for å leggje premissar for utbyggingsføremål, disponering av naturressursar, lokalisering og utforming av tiltak.
I bygdeutvikling og områdeprosjekt har landskapsanalyse vore eit nyttig verkemiddel som grunnlag for ulike tiltaksplanar. Fleire kommunar nyttar no landskapsanalysar som grunnlag for utarbeiding av kommunedelplanar. Aurland Naturverkstad utarbeidar landskapsanalysar for ulike formål, og for både lokale og regionale planar.
Granvinsvatnet. Feltarbeid Granvin herad 2007.