Kulturminnekartlegging
Kulturminne, kulturmiljø og landskap vert forvalta av kommunar og fylkeskommunar gjennom Kulturminneloven og Plan- og bygningsloven. Denne lova ligg til grunn for regionalplanar, kommuneplanar og reguleringsplanar, og som grunnlag for arealplanar vert det òg utarbeidd særskilde planar for kulturminne. I prosessen kring slike planar vert kulturminne, kulturmiljø og landskap kartlagt og vurdert i høve til verdi.
Aurland Naturverkstad har god kulturminnefagleg kompetanse og utfører kartlegging og verdivurderingar på bakgrunn av synfaringar, nasjonale databasar og kontakt med styresmakter og lokale aktørar. Arbeidet vårt er godt forankra i lovverket, offentlege rettleiarar og i lokalsamfunnet.
Vi utarbeider konsekvensutgreiingar, forvaltnings-, skjøtsels- og formidlingsplanar for kulturminneområde, samt fagrapportar som dannar grunnlag for slike.