Naturinformasjon
Formidling av natur- og kulturverdiar er ein svært viktig del av forvaltinga. Aurland Naturverkstad utviklar solid og lettfatteleg informasjonsmateriell og formidlingsstrategiar, etter faglege prinsipp og standardar, i nært samarbeide med alle aktørar i prosjektet.
Informasjonsskilt for Hallingskarvet Nasjonalpark. 2007.
Arbeidet i Aurland Naturverkstad handlar mykje om forvalting av natur- og kulturverdiar på ein måte som kjem lokalsamfunn til gode. I ei tid kor desse verdiane er viktige, både i lokal stadsutvikling og i nyskapande opplevingsaktivitetar, vil informasjon og formidling rundt desse få ei svært viktig rolle. Aurland Naturverkstad utviklar naturinformasjon mellom anna gjennom naturstiar, og kan utarbeide formidlings planar kring lokal natur- og kulturarv som ledd i ei breiare satsing på stadsutvikling.
Referanseoppdrag:
Fylkesmannen i Hordaland. Informasjonsskilt om vern og naturkvalitetar kring Finse. 2008.
Fylkesmannen i Buskerud. Informasjonsskilt for Hallingskarvet Nasjonalpark. 2007.
Leikanger Reiselivslag. Informasjonsplakatar og natursti om vatningsveiter på Leikanger. 2002.