Aurland Naturverkstad

OPPSTART AV PLANARBEID – ORTNEVIK SENTRUM

I medhald av plan- og bygningsloven §§ 12-1, 12-8 og 12-14 vert det varsla om oppstart av privat reguleringsplan detaljplan for Ortnevik sentrum frå Fagernes i nord til stranda og elveosen i sør.

Aurland naturverkstad AS fremjer planforslag på vegne av Ortnevik grendelag.

Formålet med planarbeidet er å styrkje sentrumskvalitetane gjennom formalisering av dagens arealbrukssituasjon. Aktuelle tema er ma. trafikktryggleik, tydeleg gjere køyremønster, informasjon, avklare grunneigarforhold, venterom, småbåt- og gjestehamn, badeplass  og kulturhistoriske verdiar.

Naboar og grunneigarar vert varsla direkte. Oppstartsmeldinga vert og lagt ut på www.naturverkstad.no. Merknadar som er viktige for planarbeidet kan sendast elektronisk via e-post til post@naturverkstad.no eller til Aurland naturverkstad As, pb 27, 5741 AURLAND. Alle mottekne dokument vert sendt til kommunen saman med planframlegget.

Nærare informasjon om planarbeidet kan ein få hja Aurland Naturverkstad AS tlf 57633621

Sjå også Framlegg planavgrensing og vedlegg regplan Ortnevik sentrum reguleringsspørsmål

Tid: Tysdag 31. mai kl. 19:00

Stad: Ryggjatun Hotell i Aurland

Les meir på SJH Ressurssenter sine sider

Vårens nettverksmøte for Regionale Parkar fann stad på Stalheim og i Aurland 2.-3. mai. På nettverksmøtet vart organisasjonen Norske Parker etablert for å vidareutvikle og arbeide for interessene til lokale og regionale parkar i Noreg.

Nettverksmøta er opne for alle som er interessert i park som arbeidsmetode for lokal og regional utvikling og neste møte finn stad på Finnskogen hausten 2011.

Les meir om park her: http://parknytt.wordpress.com/

Hordaland fylkeskommune og fylkesmannen i Hordaland har oppsummert erfaringane frå prosjektet Landskap i plan. Resultatet ligg føre i rapporten «Råd om landskap i kommunal planlegging i Hordaland». I prosjektet, som har vore eit nasjonalt pilotprosjekt for gjennomføring av den europeiske landskapskonvensjonen, har Aurland Naturverkstad utarbeidd landskapsanalyse for Granvin herad.

Les meir på sidene til Hordaland fylkeskommune eller last ned rapporten her.

Undredal grendelag og  Aurland kommune inviterar til arbeidsseminar om universell utforming, bulyst og besøksstyring i Undredal, 5. – 6. april

Det er lagt opp til eit allsidig program med synfaring og foredrag. 

PROGRAM PLANSEMINAR UNDREDAL – Samplanlegging og Universell utforming

Statsråden har saman med ein delegasjon frå Kommunal- og regionaldepartementet vore til Sveits for å orientere seg om landet sine EU avtalar, og for å få ei innføring i satsinga på regionalparkar i fjellandet. 

Sveits har dei siste åra satsa mykje på parkar og har no omlag 17 etablerte regionalparkar og parkprosjekt. Grunnlaget for å etablere parkar i Sveits er eit ynskje om å forsterke lokal deltaking, samt å ta vare på, og vidareutvikle natur- og kulturverdiar på bygda.

Les meir om turen i Nationen Artikkel frå Nationen 29.jan 2011

I dagens utgåve av BT stiller arkeolog Trude K. Knagenhjelm og arealplanleggar Ingunn B. Skjerdal, begge frå Aurland Naturverkstad AS, spørsmålet i kulturdebatten i Bergens Tidene.

Les innlegget her: bergenstidende_del2-20110119

I slutten av januar  reiser statsråd Navarsete på ein kort tur til Sveits. Ho skal, saman med ein delegasjon fra Kommunal- og regionaldepartementet, orientere seg om landet sine EU-avtalar, samt få ei innføring i satsinga på regionalparkar. Eit besøk i ein regionalpark er og lagt inn i programmet. Rådgjevar i Aurland Naturverkstad og sekretær for det nasjonale nettverket for natur- og kulturparkar, Kristian Bjørnstad, skal være med på turen.

Sveits har i dei siste åra satsa mykje på parkar og har no omlag 17 etablerte regionalparkar og parkprosjekt. Grunnlaget for å etablere parkar er eit ønske om å forsterke lokal deltaking, samt å ivareta og vidareutvikle natur- og kulturverdiar i bygdeområde.

Ei særleg julehelsing går til Nina Children Home i Kenya

2. desember gjekk Aurland Naturverkstad inn som partnar i Nærøyfjorden Verdsarvpark.

http://naroyfjorden.no/