Aurland Naturverkstad

Basiskurs i vertskap på Otternes bygdetun 12. april

unniu — Wed, 11 Apr 2012 09:20:21 +0000

Torsdag 12. april er det duka for eit basiskurs i vertskap for tilsette i ulike typer verksemder i Aurlandsregionen. Kursleiar er Trude Knutzen Knagenhjelm frå Aurland Naturverkstad.

På kurset vil du få kunnskap om regionen som vil vere nyttig for deg i ditt daglege arbeid. Du vil også få innsikt i kvifor det er så viktig å ha ei vertskapshaldning til menneska du møter gjennom jobben din og elles.

Målet med basiskurset for vertskap er å gje dykk som arbeider her ein smak av og ein interesse for kvalitetane i Aurlandsregionen og verdsarvområdet. Fjordregionen vår utgjer eit dramatisk, vakkert landskap, skapt av naturkrefter, folk og dyr gjennom fleire århundre. Regionen er unik i global samanheng – ein verdsarv.

Det er også eit mål at kurset skal inspirere til refleksjon og auka medvit om vertskapsrolla og kva godt vertskap er. Kurset skal vere med og gje deg reiskap for lettare å engasjere dei du møter i jobben din og bidra til at du blir ein del av vertskapet i denne regionen. Gjennom kurset vil du med andre ord bli betre skodd for god service og godt vertskap.

Fjordregionen vår tek i mot svært mange gjestar i løpet av året, og det er ønskjeleg at så mange av oss som bur her både kan og vil vere med på å gje gjestene våre ei god besøksoppleving. Gjennom godt vertskap bidreg vi til å ta vare på dette fantastiske området og videreutvikle det på ein god måte.

Nærare program for kurset finn du her.

Aurland støttar søknad frå Norske Parker til Nordisk Ministerråd

unniu — Fri, 30 Mar 2012 14:21:01 +0000

Aurland Naturverkstad støttar ein søknad frå Norske Parkar til Nordisk Ministerråd om etablering av eit nordisk nettverk for regionalparkar! I samband med dette er det også planlagt ein workshop i den nyetablerte regionalparken Snæfellsnes på Island. Aurland Naturverkstad og Alta frå Island vil bidra her med fagstoff om regionalpark. Prosjektet har deltakarar frå Island, Danmark, Sverige, Grønland og Noreg.

Landskapsanalyse Nordfjella

unniu — Wed, 21 Mar 2012 11:57:06 +0000

Kva	Landskapsanalyse
Kvar	Nordfjella i kommunane: Aurland, Hol, Hemsedal, Lærdal, Ulvik, Voss og Ål
Oppdragsgjevar	Fylkeskommunen i Buskerud
Når	2011
Prosjektleiar	Christoffer Knagenhjelm
Referanse	Landskapsanalyse Nordfjella Delomårde: Aurland, Aurlandsdalen, Blåbergi- Såta, Blåskavlen- Bleia, Borgund, Finse, Flævatnet, Flåmsdalen, Frønningen, Geilo, Grindafletene, Hallingskarvet, Hemsedal, Hengshovda- Valhovd, Hol, Lærdal, Nærøy, Nordalen. Fødalen, Oppheim, Raundalen, Reineskarvet, Skarveranden, Stolsvatnet- Rødungen, Strandavatnet, Vats, Vestfjelli

Aurland Naturverkstad har no ferdigstilt arbeidet med ei landskapsanalyse for Nordfjella i samband med regional plan for Nordfjella. Målet har vore å gje ei oversikt over miljøkvalietar og ulik bruk av området, samt å bruke desse fakta i ei heilskapleg landskapsvurdering.

Sentrale fakta til grunn for analysen har vore: Friluftsliv, reiseliv og anna fritidsbruk, infrastruktur, næringsliv, motorferdsel i utmark og naturmangfald

Ny regionalpark på Island

snaedis — Tue, 20 Mar 2012 14:26:48 +0000

Den 7 mars ble Snæfellsnes Regional Park på Island offisielt etablert. Parken består av 5 kommuner, som i samarbeid med jordbruksorganisasjoner, reiselivslag, fiskeriorganisasjoner og andre har forberedt etableringen. Det islandske konsulentfirmaet ALTA har hatt en sentral rolle i utredning av regionalparkprosjektet og prosessledelse. Aurland Naturverkstad har i den sammenheng bidratt med rådgiving til ALTA.

Vi gratulerer Snæfellsnes regionalpark og ALTA med godt arbeid! Her kan dere se en video fra Snæfellsnes Regional Park.

Ny landskapsarkitekt i Aurland Naturverkstad

unniu — Fri, 09 Mar 2012 08:40:20 +0000

Snædís er vår nye medarbeidar, og skal jobbe med regionalpark, landskapsanalyse, stadutvikling, stadformidling og detaljprosjektering her i Aurland Naturverkstad.

Ho er nyutdanna frå Arkitektur- og Designhøgskolen i Oslo og har skrive masteroppgåve om etablering av regionalpark i Kujalleq kommune på Grønland.

Kujalleq kommune ligg på den grøne og frodige delen av Grønland, og kulturen her er ein interessant kombinasjon av tradisjonell Inuittisk jakt praksis og Norrønt jordbruk. Saman med denne kulturen er flott utsikt og godt bevarte ruinar frå viking tida ein av hovudattraksjonane på Grønland

Det finns ei rekkje interessante lokale produkt og aktivitetar i regionen som den veksande reiselivsnæringen, både enkelt personar og bedrifter, kan tilby. For ein utanforståande er det likevel vanskeleg å få en oversikt over ressursar og tilbod i regionen på grunn av dårleg utbygde informasjonssystem. Eit anna dilemma i kommunen er at no minkar den tradisjonelt store fiske- og pels industrien, der lokal befolkninga har hatt arbeid. Samstundes veks næringar som gruvedrift der dei fleste tilsette er utlendinger og inntektene frå denne går ut av kommunen og til Selvstyret i Nuuk og dei utanlandske eigarane.

Regional park kan bli løysninga i Kujalleq kommune. Det kan bidra til å løyse eksisterande problem som gjeld mangel på rett kompetanse til nye næringar i regionen, press på området frå turisme, og manglande ressursar, informasjon og samarbeid. Du kan lese om dette i hennar rapport: ”Guidelines for the Establishment of a Regional Park for the Kujalleq Municipality” .

9. mars: Campusseminar i Aurland «Ta bygda i bruk»

unniu — Thu, 09 Feb 2012 08:39:48 +0000

Campus Aurland – grønt kompetansenettverk

Inviterar til seminar 9. mars 2012

”Ta bygda i bruk”

Kl 10 – 15, Aurland Idretts- og samfunnshus

for meir informasjon: http://aurlandsseminaret.org/campus/

og påmelding: http://aurlandsseminaret.org/pamelding/

Innleiing

Dramatiske globale hendingar kjem tett inn på oss og skapar uvisse, og verkar slik inn på vårt eige liv og virke. Mange ser behovet for å ta tak i utfordringane i miljø og samfunnsliv og gjere ein aktiv innsats. Men det er ei stor utfordring å forstå samanhengane, og kunne omsetja kunnskap til konkret handling på sin eigen stad. Kvar skal ein starte og kva bidrag kan ein yta?

I dette seminaret vil me rette fokus på bygda, den lokale staden, som ein viktig arena der alle kan ta del og yte sitt bidrag. I Aurland kommune har ein gjennom mange år arbeidd aktivt for å utvikle eigne ressursar både i marknadsretta berekraftig matproduksjon og opplevingstilbod. Dette arbeidet har ført til at vi her har samla ein unik og praktisk forankra kompetanse, som ”Campus Aurland ” er ein del av. Denne kompetansen vert i aukande grad etterspurt over heile landet. Dette seminaret ynskjer å vere eit bidrag til å løfte fram det særeigne med Aurland og kva som trengst for å utvikle området vidare, til beste for både lokalsamfunn og næringsliv.

Kl 10.00	Velkomen til Campus seminar – Nettverk og kompetansemiljø - kva er det særeigne med det grøne miljøet i Aurland - kva verdiar står me for? - kva er vårt bidrag regionalt og nasjonalt? - og kvar går vegen vidare?	Bjørg Fritsvold SJH og Morten Clemetsen, Aurland Naturverkstad
Kl 10.15	Naturen, mennesket og staden -(sjølv)realisering og det gode liv i eit djupøkologisk perspektiv Natur-kultur nærvær, sosialt entreprenørskap og samarbeid i bygdene – kimen til vekst og verdiskaping Forteljing	Per Ingvar Haukeland, Telemarksforsking, Jorun Barane, SJH
Kl 11.45	Middag	SJH
Kl 12.30	Den vesle bygda og den store verda – globale trendar, knappe ressursar og sårbare samfunn. Landbruket sin rolle i framtida Innleiing til gruppesamtaler med utgangspunkt i innleiande spørsmål – kvar står Nærøyfjordområdet/ Aurland i dette – og kva oppgåver har denne regionen? (Bygda som ”bærekraftslaboratorium”) Felles samtale/ diskusjon , med oppsummering	Erling Krogh, UMB Erling/ Per Ingvar
Kl 14.45	Oppsummering av dagen	Bjørg og Morten
Kl 15.00	Slutt

Presentasjon av føredragshaldarar:

Per Ingvar Haukeland er forskar ved Telemarksforsking i Bø. Han har i mange år arbeidd med sosialt entreprenørskap og nyskaping i bygdene. Han er prosjektleiar for fleire forskingsprosjekt knytt til berekraftig verdiskaping og forvalting av natur- og kulturlandskapet. Han har tidlegare samarbeidd med filosofen Arne Næss om djupøkologiske og pedagogiske spørsmål, og dei har utgitt fleire bøker i lag.

Erling Krogh er 1. amanuensis ved Seksjon for læring og lærerutdanning ved Universitetet for miljø og biovitenskap på Ås. Han er utdanna innan ressursøkonomi, sosialpedagogikk og sosialantropologi. Han har vore leiar for store pedagogiske satsingar som t.d. ”Garden som pedagogisk ressurs”, og arbeider mellom anna med problemstillingar knytt til menneskets opplevingar og samhandling i bruk og forvalting av natur og landskap.

Regionalt pilotkurs i stadbasert læring.

unniu — Mon, 23 Jan 2012 13:56:36 +0000

Invitasjon til regionalt pilotkurs i 2012.
Samarbeid mellom Seksjon for læring og lærarutdanning ved UMB, Ressurssenteret ved Sogn Jord- og hagebrukskule – med bidrag frå Aurland Naturverkstad.

Kurset har tre samlingar:

Samling 1: 13.-15.04.2012, i Fresvik
Samling 2: 07.-09.09.2012, i Lærdal
Samling 3: 09.-11.11.2012, i Aurland

Fullført og godkjent kurs gir 15 studiepoeng.

Meir informasjon og påmelding finn du her

Analyse av landskapskarakter Nordfjella

unniu — Fri, 02 Dec 2011 12:52:08 +0000

Les rapporten Analyse av landskapskarakter Nordfjella med Vedlegg Nordfjella

Nytt regjeringsutval om økosystemtenester

unniu — Mon, 31 Oct 2011 12:31:33 +0000

Førsteamanuenesis Morten Clemetsen, som også er tilsett i Aurland Natuverkstad, er valt inn i eit regjeringsoppnemnt ekspertutval om verdien av økosystemtenester.

Økosystemtenester er det naturen gjev oss av for eksempel mat, fiber og brensel, men og fellesgode som mellom anna vannrensing, pollinering og rekreasjonsverdiar. Fellesgodene har oftast ikkje noko marknadspris til tross for at dei har stor verdi for samfunnet.

Utvalet skal berekne verdien av naturmangfoldet i Noreg slik at me blir betre i stand til å sjå verdien av ein velfungerande natur og dei tenestene naturen gjev oss.

Medlemmane er valde på bakgrunn av fagleg ekspertise, brei erfaring og kontakt med forskning, forvaltning og næringsliv. Utvalet skal leiast av adm.dir i Norsk Industri Stein Lier-Hansen og sekretariatet er lagt til Miljøverndepartementet. Arbeidet skal munne ut i ein NOU (Norsk offentlig utredning) hausten 2013.

Les heile pressemeldinga frå Regjeringa her

Internasjonal konferanse om regional utvikling i verneområde

unniu — Fri, 28 Oct 2011 12:56:37 +0000

Doktorgradsstipendiat Kristian Bjørnstad i Aurland Naturverkstad har vore på konferanse i Frankrike. Tema for arbeidskonferansen var å peike på forskningsperspektiv i feltet verneområde og regional utvikling, og å bidra til nye forskningstema på dette feltet.

Sjå meir her